Nadoman 1

Nadoman

1.    Simabdi anu tiluan

Maksadna bade ngadoman

Mangga kupingkeun ku insan

Kus adaya nu nyumpingan

2.    Angkat kana mauludan

Ulah ngadon kukuyuran

Calik bari sasarandean

Ngalap berkah mauludan

3.    Kade sim abdi wasiat

Ka sadaya umat- umat

Mangga enggal nyandak tempat

Tempat sae jeung mupakat

4.    Margina ieu teh wengi

sasih dipedalkeun nabi

muludan ka wargi-wargi

sangkan kenging rahmat gusti

5.    abdi wasiat ka istri

tong dareukeut jeung lalaki

bisina di cabak pipi

daarosok capa cipi

6.    tong cicing di tempat poek

bisina urang di colek

kade tong daek di oprek

mun di cabak ulah daek

7.    kadieu kanu caraang

ameh jongjon rejeng tenar

ulah sok paanggang-anggang

kaparayun kanu caang

8.    komo mun ka pihak istri

entong milaraan diri

ulah cicing dinu buni

sing bisa ngajaga diri

9.    komo lamun jadi istri

tong ngadeketan lalaki

sing risi sing ati-ati

ulah ngamumurah diri

10. kade ulah milaraan

mopoek paduduaan

bisi ka goda ku syetan

setan nu barung kelekan

11. kahade ieu amanat

ulah nyieun pamasiat

ulah ngagogoreng tempat

ku sabab osok kawalat

12. zaman kiwari palaur

loba buaya kalabur

ngarayap ka unggal lembur

neangan buah jeung bujur

13. kade bareunang ka olo

suuk kapincuk jeung baso

paya asih tawa sono

teu emut panto molongo

14. nu matak kudu waspada

ulah beunang ka garoda

komo eta nu sarupa

tong dibikeun mun teupa

15. kade tong sampai karitu

sing bisa marahan napsu

ulah benang ka taripu

ku buaya model kitu

16. mun aya ka darupak

ku jisim abdi tong nyepak

hukum saratus marutlak

sing bisa ngarobah ahlak

17. sakieu abdi nadoman

nyanggakeun hatur lumayan

minang ka abdi ngelingan

ulah sampat kajadian