Nadoman 4

1.    eling-eling jalma islam

sing pengkuh kapercayaan

terhadap Allah pangeran

Allah anu Maha Heman

2.    Kukuh pengkuh patekadan

Dina ieu pisan

Zaman eukeur karandapan

Ku rupa-rupa godaan

3.    Ngagoda jalma nu iman

Tong benang diharewosan

Ku syetan pikeun tandangan

Pibatureun di jahanam

4.    Sabab nu piek imanna

Bakal tarik ngagodana

Weni ngorbankeun dirina

Ngabela kana nafsuna

5.    Ngudar tali kaislaman

Ieu papagon pangeran

Henteu beunang di elingan

Asal nafsu ka cumponan

6.    Dawuhan nabi pinujul

Ieu di ahir bakal muncul

Loba jalma nu garundul

Taya buuk padarugul

7.    Hartos buuk eta iman

Harta gundul leupas iman

Geus leupas pi masti pisan

Dirina meunang siksaan

8.    Mun urang ku gagancangan

Ngoreksi diri sorangan

Laku lampah di beresan

Sarta tobat ka pangeran

9.    Ibadah gewat alusan

Meungpeung hidup di nyawaan

Ulah wungkul kadunyaan

Allah tangtu ngabenduan

10. Meungpeung dunya masih gempar

Memeh di jadikeun dzikir

Lapang lega sarta melar

Taya hahalang salambar

11. Dunya teh tereh digulung

Ku gusti Allah nu agung

Sabab jelema geus mangprung

Poho parentah nu agung

12. Loba nu naggong ka Allah

Geus wani manehna mangloh

Wani ninggalkeun kawajiban

Eta ciri ahir zaman

13. Ayeuna keur ka alaman

Ku jalma nu kurang iman

Turut hawa nafsu syetan

Di akherat jejeritan

14. Sing garu pati jeung raspati

Kapangeran kudu bakti

Aduh ampun tobat abdi

Serah ka gusti yang widi

15. Menta ampun kapangeran

Tina sagala siksaan

Tapi Allah teu nyumponan

Kalah tambah kanyerian

16. Mangka hade dulur-dulur

Poma ulah rek takabur

Kudu inget kana kubur

Badan urang bakal ancur

17. Sakieu hatur lumayan

Ka sadaya ihwan-ihwan

Mugi Allah ngarohmatan

Di aku umat pangeran