Nadoman 5

1.    Sim abdi bade nyipatan

Ari jalma nu mumulan

Kana waktu karajenan

Taya pisan rarajenan

2.    Mun subuh kalah murungkut

Teu ka duga ngudar simbut

Di geuingkieun sing cemberut

Padahal setan mah imut

3.    Majar teh ke heulaanan

Daekan teh tetempoan

Sok nyai akang simbutan

Tunduh keneh tos rondaan

4.    Bari hudang enggeus beurang

Subuh mah teu kabagean

Ngeunah di pepende setan

Peupeujeun entong eladan

5.    Lamun datang waktu lohor

Kalah katunggkul ku kantor

Tawa kalah ludar ledor

Teu beda pisan jeung bodor

6.    Lamun datang waktu ashar

Ngobrol kawas anu sasar

Majar maneh encan dahar

Rek migawe sholat ashar

7.    Mun datang waktu magrib mah

Kalah asup ka arimah

Nu kitu ngarana salah

Lain anggur berjamaah

8.    Teu lami jol waktu isa

Kalah indit katatangga

Bari nyandak kartu tea

Erek gapleh jeung tatangga

9.    Gapleh mah sapeuting pinuh

Henteu karasaeun tunduh

Ngajimah sajam ge tunduh

Ka ajengan ngarurusuh

10. Sakieu abdi pepeling

Pamugi janten pangeling

Khususna kanggo sim kuring

Umumna ka anu sumping