Nadoman 6

1.    Abdi sareng rerencangan

Ngadeg bari sasarengan

Nerangkeun nu kabuktosan

Remaja di ieu jaman

2.    Pamuda jaman kiwari

teu kaop di ajak seuri

istri anu ngajak seuri

asana teh kasep diri

3.    lamun indit ka tongtonan

jeung istri baris rerendengan

ngarah di sangka bujangan

padahal atos putraan

4.    lamun bajuna teh anyar

ka awewe cengar cengir

kahayangna untar anteur

siga jalma anu lieur

5.    komo mun make calana

teras ka kulon angkatna

jeung anu demplon papanggihna

ngomong hayang kapakena

6.    komo mun dikacamata

angkat na teh beuki gaya

ka istri teh ngan ngahina

boga rasa urang gaya

7.    rambutna teh digalingan

make beusi meunang meuleum

loba aksi gagayaan

komo mun aya parawan

8.    ahirul kalam tungtungna

abdi sareng rerencangan

nerangkeun nu kabuktosan

pemuda di ieu jaman