Nadoman 8

1.    ieu abdi sadayana

ayeuna bade macana

dina perayaannana

di hadiran ibu bapak

2.    upami nu janten putra

putra ibu putra bapak

istri pameget sadaya

ulah rek sina nanyalira

3.    lalaki jaman ayeuna

dina pagaweannana

loba anu teu berguna

teu puguh alang ujurna

4.    budak tukang ieu ka luyur

nu aya di lembur lembur

loba waktu anu nganggur

teu beunang pisan di atur

5.    cukup ngarit ngala jukut

minangka gawe nu matuh

gawena ulin teu puguh

henteu boga ka riripuh

6.    ngulik kana naon naon

pedah enggeus boga calon

malah geus boga sapatu

geus bisa ngagolah hulu

7.    pulpen nyelongkrong na saku

teu beda jeung bapak guru

padahalmah henteu metu

kana aksarana beku

8.    lantaran henteu sakola

ngaran buta hurp tea

eta kitu lolobana

sing inget para pemuda

9.    oge mungguh di istrina

teu aya pisan bedana

awewe jaman ayeuna

 tacan aya pangantina

10. tapi loba kahayangna

peperedih ku bapana

pakean hayang gindangna

ka kolot ukur nipuna

11. gawena kuralang kuriling

ti beurang reujeung ti peuting

ka awewe sok curaling

boga rasa diri ginding

12. komo istri lamun ngangen

angena teu di uyahan

nempo batur di kawinkeun

manehna teh kabitaeun

13. kabapakna nyaritakeun

hayang dipanganeangankeun

da ppuguh geus teu kuateun

hayang gewat di kawinkeun

14. henteu kungsi bubulanan

paling oge mimingguan

sarta matak reksak badan

ingetkeun hey ihwan-ihwan

15. ulah hayang salakian

lamun tacan hideng pisan

tapi riksa heula badan

sing pinuh ku pengertian

16. margi kitu ihwan-ihwan

putra kedah dijurungkeun

kana tempat pendidikan

bekel jeung piaheratan

17. sakieu abdi nadoman

ka sadaya ihwan-ihwan

mugi sing janten emutan

ahirul kalam wassalam