Nadoman 9

1.    assalamualaikum

warohmatullohi lakum

wabarokatuhu lakum

wal jami’i ah wa lakum

2.    sim abdi bade wawani

ka pemuda jeung pemudi

anu pada hadir sami

kumpul dina ieu wengi

3.    terutama ka pemuda

kade ulah rek kagoda

mun papanggih jeung nu gaya

kahade bisi ka bawa

4.    lalaki nu ngajauhan

ka istri nu meunang dangdan

da sieun kagoda setan

ku lantaran tebal iman

5.    eta sadayana ikhwan

pemuda nu tebal iman

henteu ka goda ku setan

urang teh kedah nurutan

6.    sim abdi anu tiluan

ngadeg dipayuneun ihwan

maksadna rek mepelingan

dina ieu imtihanan

7.    awewe jaman ayeuna

teu era make calana

ka luhur make lekbongna

nu tembang bulu kelekna

8.    komo mun aya nu gratis

sanaos hujan gerimis

tuluy bae luas lewis

tepak toel ngome kumis

9.    di jalan teh silih puntang

pameget jeng istri lenjang

beuki deukeut beuki hayang

nyabak nu di jero kutang

10. kalakuan nu kitu teh

jaman akhir teh te aneh

sepuh nu nyaho ku maneh

teu di warah di weweleh

11. wiat ibu bapak bapak

upami kagungan putra

masing leres ngadidikna

ulah di antep karepna

12. duh paur jaman ayeuna

istri sareng pamegetna

gawena ngan poya poya

teu inget kana dorakana

13. nyakitu jeung pamegetna

bari tumpakna vespana

istri di ojegkeun nana

bari tatanggahannana

14. datangna ka panontonan

istrina di ajak jajan

sabab aya pangharepan

ari balik di cabakan

15. pameget mah kabayangna

ngolo ka istri nu geulisna

korban suuk sabungkusna

seubeuh nyabak jeung nyiumna

16. eta istri anu kitu

sareng pemeget teu tangtu

ku allah di pake satru

di akherat meunang bendu

17. upamina gaduh putra

nehteu aya dadasarna

nyaeta dasar agama

eta teh matak cilaka

18. nyilakakeun ka dirina

oge ka ibu ramana

di dunya jeung akheratna

eta henteu bahagia

19. margi kitu ihwan-ihwan

putra kedah di jurungkeun

kana tempat pendidikan

dunya jeung piaheratteun

20. sakieu abdi nadoman

sadayana ihwan-ihwan

mugi sing janten emutan

ahirul kalam wassalam